டாஸ்மாக் கடைகள் தொடர்பான வழக்கு உயர்நீதிமன்ற மதுரைக் கிளையில் இன்று விசாரணைக்கு வந்தது. அப்போது, தமிழகத்தில் படிப்படியாக டாஸ்மாக் கடைகள் மூடப்படும் என அதிமுக தேர்தல் அறிக்கையில் கூறியிருந்ததே இதுவரை எத்தனை டாஸ்மாக் கடைகள் மூடப்பட்டுள்ளன என்பது குறித்து தமிழக அரசு பதிலளிக்க நீதிமன்றம் உத்தரவிட்டது. அத்துடன் இனிமேல் எத்தனை டாஸ்மாக் கடைகள் மூடப்பட உள்ளன என்பது குறித்தும் பதிலளிக்க தமிழக அரசுக்கு உயர்நீதிமன்ற மதுரைக் கிளை உத்தரவிட்டுள்ளது.
வருவாய்க்காக டாஸ்மாக் மதுக்கடைகளை நம்பாமல் மாற்று ஏற்பாடுகளில் கவனம் செலுத்த வேண்டுமென தமிழக அரசை உயர் நீதிமன்ற மதுரை கிளை அறிவுறுத்தி உள்ளது. மாநிலத்தின் பண வரவில் பெரும் பகுதி மதுக்கடைகளிலிருந்தே வருகிறது. மக்களின் நலனைக் குலைக்கும் மதுவை நம்பி இல்லாமல் வேறு வழிகளில் வரவை அதிகரிக்க முயற்சிக்குமாறு அரசை நீதிமன்றம் சாடியுள்ளது.
தமிழக அரசின் பட்ஜெட் வரும் 8 ஆம் தேதி தாக்கல் செய்யப்படவுள்ளது. கடந்த 9 ஆண்டுகளாக அதிமுக ஆட்சி நடைபெறுகிறது. தொடர்ந்து நிதி அமைச்சர் பதவி வகித்து வருகிறார் ஓபிஎஸ், கடந்த ஆண்டு மட்டும் கட்சி பிளவு காரணமாக மின்வளத்துறை அமைச்சர் ஜெயக்குமார் தாக்கல் செய்தார், ஆகவே துணை முதல்வர் ஓ.பன்னீர்செல்வம் தாக்கல் செய்யும் 8வது பட்ஜெட் இதுவாகும்.
மெரினா கடற்கரையில் குளிப்பதற்கு வயது வரம்பு 18 என நிர்ணையிக்க பட்டுள்ளதாக சென்னை கிழக்கு மண்டல ஆணையர் பாலகிருஷ்ணன் தெரிவித்துள்ளார். விடுமுறை தினங்களில் மெரினாவை நோக்கி மக்கள் தஞ்சம் அடைகிறார்கள், அப்போது அசம்பாவிதகங்களை தவிர்க்கும் வகையில் இதனை நடைமுறை படுத்தவுள்ளனர். அதனையும் மீறி 18 வயதுக்கு உட்பட்ட குழந்தைகள் குளித்தால் அவர்கள் பெற்றோர்கள் மீது நடவடிக்கை பாயும் என்று காவல்துறை எச்சரித்துள்ளனர்.
கடந்த டிசம்பர் 22 ஆம் தேதியில் இருந்து ஜாக்டோ – ஜியோ (அரசு ஆசிரியர்கள் – அரசு ஊழியர்கள்) அமைப்புகள் ஒன்று சேர்ந்து ஒன்பது அம்ச கோரிக்கைகளை முன்னிறுத்தி கால வரையற்ற வேலை நிறுத்த போராட்டத்தில் ஈடுபட்டு வந்தனர். இவ்வாறு இவர்கள் போராடுவது முதல் முறை அல்ல எனினும் இம்முறை இந்த போராட்டத்தின் வீரியம் சற்று அதிகமாக இருப்பதய் உணர முடிகிறது. இதன் தாக்கம் பொது மக்களின் மனதில் பல விதமான கேள்விகளையும் குழப்பங்களையும் ஏற்படுத்தி உள்ளது.
ஒன்பது அம்ச கோரிக்கைகள்:
தமிழக அரசின் பதில்:
மேற்க்கூறிய கோரிக்கைகளை தமிழக அரசு நிதி பற்றாக்குறையை காரணம் காட்டி தற்போதைய தினம் வரை ஏற்று கொள்ளவில்லை. பலதரப்பட்ட பேச்சு வார்த்தைகளுக்கும் நீதி மன்ற உத்தரவுகளுக்கும் பிறகு தற்காலிகமாக இப்போராட்டம் நிறுத்தி வைக்கப்பட்டுள்ளது.
பத்து மற்றும் பன்னிரெண்டாம் வகுப்பு பொது தேர்வுகள் நெருங்கி கொண்டிருக்கும் இந்த வேலையில் இப்போராட்டம் நடந்து கொண்டிருப்பது மாணவர்கள் மத்தியில் சஞ்சலத்தையும் பெற்றோர்கள் மத்தியில் சலசலப்பையும் ஏற்படுத்தி உள்ளது. இதை மனதில் கொண்டு விரைவில் இரு அமைப்புகளும் அரசும் சேர்ந்து ஒரு நிரந்தர முடிவை எட்ட வேண்டும் என்பது சாமானியர்களின் குரலாக உள்ளது.
தமிழகத்தில் அதிமுக ஆட்சியில் கொண்டு வரப்படும் திட்டத்துக்கு “ அம்மா திட்டம்” என்றே பெயர் வைப்பது வழக்கம். குறிப்பாக அம்மா உணவகம், அம்மா மருந்தகம் என பெயரிட பட்டுள்ளது, அதன் வரிசையில் விரைவில் வருகிறது அம்மா அம்புலன்ஸ். நிகழ்ச்சி ஒன்றில் பேசிய வீட்டு வசதித்துறை அமைச்சர் உடுமலை ராதாகிருஷ்ணன், ”அம்மா ஆட்சி காலத்தில் மருத்துவத்துறை அதிநவீன வளர்ச்சியை எட்டியுள்ளது. அதன்வரிசையில் அவசர காலத்தில் உதவும் வகையில் அம்மா அம்புலன்ஸ் திட்டம் நடைமுறைபடுத்தப்படும்.
